4. útgáfa til baka
3. september 2019



MÓÐIR:

Umvefur þig eins og mjúkan mosa,
verndar þig eins og hrjúft hraun.


MÓÐIR:

Það er ekkert eins og
ást móður,
hún elskar skilyrðislaust.
Hún fórnar sér,
henni er tekið sem
sjálfsögðum hlut,
hún gleymist,
hún er náttúran.


MÓÐIR:

Stundum langar mig bara að
grúfa mig í móðurfaðm,
heyra hana hvísla að
það verður allt í lagi.


MÓÐIR:

Lyktin sefar þig,
röddin dáleiðir þig,
verndari
bardagakona.


MÓÐURFAÐMUR:

Hvernig hún strýkur þér,
svo ljúft eins og hlý golan.
Hvernig hún ilmar,
svo tær,
eins og ilmur af mold og mosa.
Hvernig hún skilur þig
og gefur þér ráð,
jafnvel án þess að segja
eitt einasta orð.


MÓÐIR:

Svo hrein,
svo tær.
Hennar æðsta ósk
er að hlúa að þér,
og veita þér skjól.